Sérfræðisetur í ævilangri náms- og starfsráðgjöf

1.jpg

Rafræn ráðgjöf; möguleikar og markmið

Smellið á mynd til að nálgast skýrslu um námskeið í rafrænni ráðgjöf

Nú er hægt að nálgast skýrslu af námskeiði um rafræna ráðgjöf með þeim Jim Sampson og Raimo Vuorinen.

Hægt er að smella á myndina hér fyrir ofan til að nálgast skýrsluna. 

 

Raddir fullorðinna notenda náms- og starfsráðgjafar á Norðurlöndum

Niðurstöður norrænnar rannsóknar í náms- og starfsráðgjöf meðal fullorðinna hafa verið birtar í skýrslu sem ber heitið Voice of users: Promoting quality of guidance for adults in the Nordic countries. Markmiðið með rannsókninni er m.a. að kanna að hvaða marki notendurnir eru virkir þátttakendur í þróun náms- og starfsráðgjafar fyrir fullorðna á Norðurlöndum. Í rannsókninni er einnig leitað svara við því hvaða áhrif ráðgjöfin hefur á þá sem notfæra sér hana.

Nálgast má skýrsluna með því að smella á myndina hér að ofan.

Upplýsingaveita 
um nám og störf

SÆNS fékk styrk Starfsmenntaráðs til að gera þarfagreiningu og framkvæmdar- áætlun um upplýsingakerfi og vefráðgjöf um nám og störf. Smellið á myndina til að nálgast skýrsluna.

Frekari upplýsingar um verkefnið má finna hér.


Nýjar skýrslur úr starfi ELGPN



Líkt og margir sjálfsagt vita hefur SÆNS tekið þátt í
starfi ELGPN (European lifelong guidance policy network) sem er samstarfsnet
fjölda Evrópulanda um stefnumótun í náms- og starfsráðgjöf. Undanfarin þrjú ár
hafa SÆNS og Mennta- og menningarmálaráðuneytið leitt vinnupakka ásamt
Frakklandi með þemanu Aðgengi að náms- og starfsráðgjöf. Nú er þeirri vinnu að ljúka en þessa dagana eru þær Guðrún Birna Kjartansdóttir (SÆNS) og Erna Árnadóttir (Mennta- og menningarmálaráðuneytið) á ráðstefnu á Kýpur þar sem verið er að fara yfir
vinnu síðustu ára og hnýta alla enda í samstarfinu. Verkefni ELGPN undanfarinna
ára hafa samanstaðið af fjórum þemum:

1. Efla hæfni til að stjórna starfsferli sínum.
2. Auka aðgengi almennings að náms- og starfsráðgjöf.
3. Gæði náms- og starfsráðgjafar verði tryggð.
4. Hvatt til samstarfs stefnumótunaraðila milli/innan landa.

Á ráðstefnunni á Kýpur er verið að kynna sex ELGPN skýrslur, tvær stórar skýrslur og fjórar minni. Þær verða aðgengilegar á vefsíðu ELGPN (www.elgpn.eu) að lokinni ráðstefnunni og verða
veittar upplýsingar um það hér og á Facebook síðu SÆNS. Eins geta áhugasamir haft samband við Ingibjörg Hönnu Björnsdóttur (ihb@hi.is) til að fá frekari
upplýsingar og fá sendar skýrslur.

Fyrri stóra skýrslan er ársskýrsla ELGPN 2011-2012 þar sem sagt er frá þeirri vinnu sem fram hefur farið í vinnupökkunum fjórum ásamt öðrum verkefnum á árinu. Eitt helsta verkefni ELGPN á tímabilinu 2011-2012 var að útbúa bjargir og verkfæri (Resource Kit) fyrir
stefnumótendur í ævilangri náms- og starfsráðgjöf. Hin stóra skýrslan fjallar
um þessar bjargir og verkfæri og þar er að finna ítarlegar upplýsingar frá
ýmsum löndum Evrópu sem hægt er að nýta við stefnumótun. Á þetta við hvort sem
verið er að útfæra og innleiða áætlanir eða betrumbæta þær sem fyrir eru á
öllum sviðum ævilangrar náms- og starfsráðgjafar. Einnig er að finna þrjár styttri
skýrslur er varða (a) stjórnun á starfsferli og innleiðingu á stefnumótun
tengdu því (b) sveigjanleika og öryggi á vinnumarkaði, stefnumótun er varðar
bæði vinnuveitendur og starfsmenn. Að lokum (c) má nefna skýrslu um
atvinnuleysi á meðal ungs fólks, stefnumótun og aðgerðir því tengdu og hvernig
ævilöng náms- og starfsráðgjöf getur komið þar inn í.