Sérfræðisetur í ævilangri náms- og starfsráðgjöf

1.jpg

Rafræn ráðgjöf; möguleikar og markmið

Smellið á mynd til að nálgast skýrslu um námskeið í rafrænni ráðgjöf

Nú er hægt að nálgast skýrslu af námskeiði um rafræna ráðgjöf með þeim Jim Sampson og Raimo Vuorinen.

Hægt er að smella á myndina hér fyrir ofan til að nálgast skýrsluna. 

 

Raddir fullorðinna notenda náms- og starfsráðgjafar á Norðurlöndum

Niðurstöður norrænnar rannsóknar í náms- og starfsráðgjöf meðal fullorðinna hafa verið birtar í skýrslu sem ber heitið Voice of users: Promoting quality of guidance for adults in the Nordic countries. Markmiðið með rannsókninni er m.a. að kanna að hvaða marki notendurnir eru virkir þátttakendur í þróun náms- og starfsráðgjafar fyrir fullorðna á Norðurlöndum. Í rannsókninni er einnig leitað svara við því hvaða áhrif ráðgjöfin hefur á þá sem notfæra sér hana.

Nálgast má skýrsluna með því að smella á myndina hér að ofan.

Upplýsingaveita 
um nám og störf

SÆNS fékk styrk Starfsmenntaráðs til að gera þarfagreiningu og framkvæmdar- áætlun um upplýsingakerfi og vefráðgjöf um nám og störf. Smellið á myndina til að nálgast skýrsluna.

Frekari upplýsingar um verkefnið má finna hér.


Fyrirlestur um notkun upplýsingatækni í náms- og starfsráðgjöf



Upplýsinga- og ráðgjafartæknin sem stoð í náms- og starfsvali

Dr. James Sampson, einn fremsti sérfræðingur Bandaríkjanna í notkun
upplýsingatækni í náms- og starfsráðgjöf heldur opinn fyrirlestur í
Hátíðarsal Háskóla Íslands, fimmtudaginn 4. apríl n.k., kl. 15-16.

Í fyrirlestrinum mun dr. Sampson fjalla um aðferðir við að blanda
upplýsingatækninni við náms- og starfsráðgjöf til að hlúa að upplýstu
vali um nám og störf. Fjallað verður um kosti og ókosti
upplýsingatækninnar, hlutverk náms- og starfsráðgjafans og hlut
upplýsinga- og samskiptatækninnar í inngripum, s.s. náms- og
starfsfræðslu. Þá mun hann einnig fjalla um möguleika UST í greiningu á
þörfum einstaklinga og í að upplýsa þá um nám og störf. Í fyrirlestrinum
verður einnig komið inn á notkun UST í einstaklingsráðgjöf og
fjarráðgjöf, ásamt siðferðislegum álitamálum.

"Strategies for Blending ICT and Counseling in Fostering Informed Career Decision
Making. This presentation will review the benefits and limitations of
ICT, the role of the practitioner and the role of ICT in delivering
career interventions, assessment and information resources, the use of
ICT in face-to-face and distance interventions, and ethical issues".

Dr. Sampson er gestur Sérfræðiseturs í ævilangri náms- og starfsráðgjöf við
Háskóla Íslands og mennta- og menningarmálaráðuneytisins og er hingað
kominn sem ráðunautur um gerð nýrrar upplýsinga- og ráðgjafarvefgáttar
um nám og störf. Fræðslumiðstöð atvinnulífsins og Sérfræðisetur í
ævilangri náms- og starfsráðgjöf vinna nú að gerð slíkrar vefgáttar.
Markhópur hennar er fólk með litla formlega menntun. Þrátt fyrir gott
aðgengi að netinu hafa fullorðnir Íslendingar ekki haft aðgang að
skipulögðu heildarkerfi upplýsingar og ráðgjafar um nám og störf á
netinu. Það verður mikill fengur að því fyrir notendur að hafa aðgang að
slíku kerfi og skiptir miklu að vel takist til um þessa framkvæmd.

Fyrirlesturinn er öllum opinn og ætlaður þeim sem hafa áhuga á og/eða útbúa
upplýsingar um nám og störf og vilja að þær gagnist viðtakendum sem
best, s.s. stefnumótendum í fræðslukerfinu, vefstjórum, náms- og
starfsráðgjöfum og kennurum í fullorðinsfræðslu og náms- og
starfsfræðslu.

Dr. James P. Sampson er prófessor og aðstoðardeildarforseti menntavísindadeildar Florida State Háskóla í Bandaríkjunum.